Ногдол ашиг шаардсан иргэд халдлагад өртсөн талаараа өнөөдөр мэдээлэл хийлээ.

Тэдний хэлж буйгаар "Сайханбилэг, Баярцогт нарыг онцолж хэлмээр байна. Хөгжлийн бэрхшээлтэй иргэд болон оюутнуудаас 300 мянган төгрөгийн хувьцааг нь дээрэмдэж авсан. Ногдол ашгийг өгөхийг шаардсан иргэн Г.Хажидмааг гурав хоногийн өмнө дөрвөн машинаар хавсарч мөргөсөн осолд орууллаа. Удаа дараа дарамт шахалтад оруулж байна. Энэ бол санаатай үйлдэл. Зам тээврийн осолд оруулсан халдлага үйлдсэн гэж бид хардаж байна. Хүзүүндээ гэмтэл авч өнөөдөр эмнэлгийн орон дээр биеийн байдал нь хүнд байна. МЭХ-ны ерөнхийлөгч Оюунгэрэлээ цэцэг цэврүү шиг охидоо хайрлаж хамгаалах ажлаа сайн хийнэ үү. 

Ахмадууд болон хөгжлийн бэрхшээлтэй иргэд оюутнуудыг алаг үзэж байна. ЭТТ ногдол ашгаа жил болгон авч баймаар байна. Бид баялагийн эзэд мөн биздээ. Жил болгон авахаас сонгууль угтаж хэдэн төгрөг авдаггүй баймаар байна. 

Тэмцэгч А.Цэгмид "Стратегийн ордыг ашиглахдаа ашиг нь ард түмэнд ногддог байх ёстой. Үндсэн хуулиа хэрэгжүүлж, ЗГ УИХ-ын гишүүд хуулиа л хэрэгжүүл. Хувьцаа хэлбэрээр ард түмэн ашиг хүртэх ёстой. Тийм учраас ҮХ-ийн 6,2-ийг уншиж үзээрэй. Өндөр настан, хөгжлийн бэрхшээлтэй иргэдийнхээ хувьцааг буцаан олго. Нас барсан иргэдийн хувьцаа хүчинтэй байгаа. Энэ хувьцааг нь үр хүүхдүүдэд нь өвлүүлж өгөөчээ. Улс төрийнхөн тэгэхгүй бол янз бүрийн байдлаар эргэлдүүлж мөнгө угаана шүү. Бид заналхийлд өртөж байна, удаа дараа халдлагад өртсөн, бүр хутга гаргаж ална гэж дайрсан тохиолдол бий шүү" гэлээ.