“Сэлбэ” хотхоны оршин суугчдаас үерийн далангийн төсөвт өртөг болох 20 тэрбум төгрөгийг эсэргүүцэн мэдээлэл хийлээ. 

"Сэлбэ-200" СӨХ-ны удирдах зөвлөлийн дарга Ш.Ганбаяр “Манай хотхон 460 орчим суугчтай. Өнгөрсёөн жил 7000 гаруй иргэн хохирол амссан байна гэдэг. Өнөөдрийн хэлэх гээд байгаа санаа бол далан барина, зураг төсөл нь явж гэж худлаа хэлсээр өнөөдрийг хүрсэн. Бид бүр аргаа барж Сэлбэ голын урсцыг сайжруулаад өгөөчээ гэж байгаа юм. 

Хотын ерөнхий менежер Ц.Төрхүү өглөө мэдээлэл хийгээд бид голыг нь тохижуулж өгөх гэж байхад энэ оршин суугчид эсэргүүцлээ гэх зүйл ярьж байна. Нэг ч хүн эсэрүүцээгүй. Бидэнд ямар ч мэдээлэл алга.  Жишээ болгоё, хотын захиргаанд бид нэг бичиг өглөө. Гэтэл дотроо 20 нэгж, алба дамждаг. Тэгж байтал нөгөө бичиг нь хотоос дүүрэг рүү явчихдаг. Цаг хугацааг өнгөрөөгөөд л байна. Нэг хүний шүүгээнд байж байгаад хороонд очно. Тэндээс “Судалж байгаа” гэдэг хариу ирдэг. Ингээд сүүлд нь зохих хариуг өгсөн гэдэг. Үнэндээ бидэнд албан ёсоор ямар нэг ч хариу ирээгүй. Нэг ч хариу аваагүй шүү. 

Тийм учраас бид өнөөдөр хэвлэлийн хурал хийж байна. Бид далан барих ажлаа дараа нь тавтай, тухтай хий. Эхлээд голын урсцыг сайжруулаад оршин суугчид биднийг айх аюулгүй болгоод өгөөч гэж л хүсэж байгаа юм.

Бид нарын шаардаж байгаа зүйл бол “S Outlet” барилгыг хурдан буулга. Одоо буулгаагүй барилгыг хэзээ буулгах вэ? Тэр барилгыг буулгачихвал Сэлбэ голын урсцыг өргөн болгоод, түвшинг нь доош ухах ёстой. Энэ мэт ажлаа хийхгүй байж далан барина гээд байх юм. Өнөөдрийг хүртэл нураагаагүй байгаа нь үнэн шүү. 

Онцгой байдлын газраас хувингаа, усны гутлаа, элс, хайргаа бэлд, машинаа гараашаас гарга гэж оршин суугчдад анхааруулахыг СӨХ-д мэдэгдэж байна. Өөрөөр хэлбэл, энэ зун дахиад үер болно, элс, шуудайгаа бэлдээрэй гэж байна шүү дээ. Сэлбэ хотхон 460 орчим өрх, 2000 гаруй оршин суугчтай. Өнгөрсөн жилийн үерт 7000 орчим оршин суугч нэрвэгдэж, хохирол амссан. Аж ахуйн нэгж ийн хувьд олон.

Дахиад хэлье, далан тавина гэж хэдэн жил, төсөв батална, мөнгө байхгүй гэж бас хэдэн жил ярьсан. Ингэсээр өнөөдрийг хүртэл ямар ч ажил хийгээгүй. Тиймээс бид эхлээд Сэлбэ голын урсцыг сайжруулаад өгөөч гэж хүсэж байгаа юм. Даланг мянга янзлаад “S Outlet”-ийг нураахгүй бол нэмэргүй шүү дээ. Нурааж байгаа гэж ярьж буй ч байсаар л байна. Нураах үйл ажиллагаа явагдаад байгаа юм биш. Урьдчилан сэргийлэх юмаа ерөөсөө хийхгүй байна” гэв.