БНСУ өнгөрсөн 2023 онд Монгол Улсын 1593 иргэнийг хилийн шалган дээрээсээ буцааж, хөрөнгө мөнгө, сэтгэл санаагаар нь хохироосон байна. Тэд хилийн шалган дээр саатуулсан Монголын иргэдийг хонгилын өрөөнд хорьж, ялтан хулгайчийг баривчилсан аятай чанга дуугаар зандран дээрэлхэж буй талаар олон иргэн ярьжээ. 

Харин 2024 оны эхний дөрвөн сарын байдлаар Монголын 410 иргэнийг хил дээрээсээ буцаасан байна. Монголчууд аяллын виз буюу 90 хоногийн хугацаатай виз мэдүүлэхийн тулд гадаад паспортаа хураалгаж, виз гартал олон хоног хүлээлгэдэг.  Удаан хүлээсний эцэст 3 сарын виз гарч, бөөн зардал мөнгө болж гарахаар хил дээрээс тодорхой шалтгаангүйгээр буцааж байгаа нь шударга ёс юмуу хэмээн олон нийт шүүмжилж байна.