А
рдчилсан намд өнөөдөр 1280 гишүүн шинээр элсэж Төрийн ордоны их танхимд намын батлахаа гардан авлаа. Намын батлах гардуулах арга хэмжээнд АН-ын дарга Н.Алтанхуяг, Төв аймгийн АН-ын дарга Д.Доржпүрэв, УИХ-ын гишүүн Г.Батхүү, П.Алтангэрэл, Х.Тэмүүжин болон Төв аймгийн АН-ын ҮЗХ-ны гишүүд хүрэлцэн ирсэн байлаа.
АН-ыг сонгон гишүүнээр элсэж буй залуучуудад хандан АН-ын дарга Н.Алтанхуяг дарга “Ардчиллын шинэ үе болсон залуучууд манай намыг сонгон сэтгэл зүрхээрээ нэгдэж гишүүн болж байгаад талархал илэрхийлье” гэв.
Мөн тэрбээр саяхны нэгэн хэвлэлээс Төв аймгийн Батсүмбэр сумаас зургаан хүн намын гишүүнээс татгалзаж буй талаар мэдээ харсан гэтэл өнөөдөр Төв аймгаас 1280 залуу тэр дундаа Батсүмбэр сумаас 120 залуу гишүүнээр элсэж байгаа нь Ардчилсан намын нэр хүнд, манай намд итгэх итгэл улам илүү болж байгааг харуулж байна хэмээгээд тэдгээр залууст цаашдын ажилд нь амжилт хүслээ.
Төв аймгийн хувьд нийт 27 сумтай бөгөөд сум бүрээс залуучуудын төлөөлөл намд элсэхээр өргөдлөө гаргасан нь 1 сарын 31-ны байдлаар 1280 болсон байна. Тэдгээрийн төлөөлөлд намын удирдлагууд батлахыг нь гардуулсаны дотор олны танил эрхмүүдээс дуучин Д.Хишигбаяр Төв аймгийн АН-д гишүүнээр элсэж батлахаа авч байлаа.
С.Заяа