Завсарлага аваад байсан УИХ-ын үйл ажиллагаа эхлэж, хаврын чуулганаар хэлэлцэгдэх хуулийн төслүүдийг өнөөдрөөс холбогдох байнгын хороод хэлэлцэж эхэллээ.
Өнөөдөр Төрийн ордны “А” танхимд Нийгмийн бодлого, боловсрол, соёл, шинжлэх ухааны байнгын хорооны хуралдаан болно. Уг хуралдаанаар Соёлын өвийг хамгаалах тухай хуулийн төсөл /Шинэчилсэн найруулга/, Ашигт малтмалын тухай хуульд нэмэлт, өөрчлөлт оруулах тухай, Аж ахуйн үйл ажиллагааны тусгай зөвшөөрлийн тухай хуульд нэмэлт оруулах тухай зэрэг хуулийн төслийг хэлэлцэх эсэхийг шийдвэрлэнэ.
Мөн Эрүүгийн хуульд нэмэлт, өөрчлөлт оруулах тухай, Төр, сүм хийдийн харилцааны тухай хуулийн зарим заалтыг хүчингүй болсонд тооцох тухай хуулийн төслүүдийг хэлэлцэх шийдвэрлэхээр төлөвлөжээ.
Түүнчлэн Нэгдсэн бүртгэл, мэдээллийн
түр хорооны хуралдаан 11.30 цагаас “В” танхимд болох юм байна. Уг хуралдаанд ХЗДХ-ийн сайд Ц.Нямдорж Нэгдсэн бүртгэлийн талаар мэдээлэл хийх ажээ.
С.Заяа