“Дижитал” хамтлагийн ахлагч Ш.Батбаяр буюу Баавар, түүний хамсаатан Т.Алтай, Г.Адьяасүрэн нарын гурван хүнд холбогдох хар тамхи хэрэглэсэн, бусдад худалдахыг завдсан хэргийг  шүүх хурал Чингэлтэй дүүргийн шүүхэд болж өндөрлөлөө. Хаалттай хуралдсан шүүх хурлыг шүүгч Г.Есөн-Эрдэнэ даргалж явуулсан бол улсын яллагчаар прокурор Ж.Ганцэцэг оролцжээ. Шүүхээс Т.Алтайд долоон жил, Ш.Батбаяр буюу Баавар, Г.Адьяасүрэн нарт гурван сарын хугацаанд баривчлах ял оноосон байна. Ингэхдээ Бааварын өмнө нь цагдан хоригдсон болон эмнэлэгт хэвтсэн хугацааг ял эдэлсэнд тооцож, гурван сарын хугацаанаас хасахаар болжээ. Тодруулбал, Баабарын өмнө нь цагдан хоригдсон хугацаа нь хасагдаад одоо сар гаруй хугацаанд баривчлагдах гэнэ.