Авилга, хээл хахуулийн хэргээр хоёр шатны шүүхээс ял сонсоод буй Ашигт малтмалын газрын дарга асан Д.Батхуягийг ШШГЕГ-ын харьяа Амгалангийн 421 дүгээр ангид хуваарилжээ. Анхан шатны шүүхээс түүнд 6.6 жилийн хорих ял оноосон ч тэрээр давж заалдах шатны шүүхэд хандсанаар хорих ялынхаа хэмжээг дөрвөн жил болгон бууруулсан юм. Түүнийг албаны эрх мэдэл, албан тушаалаа урвуулан ашиглаж, Ашигт малтмалын тухай хуулийн холбогдох заалтуудыг зерчин, сонгон шалгаруулалтаар олгох ёстой нийт 108 ширхэг тусгай зөвшөөрлүүдийг бусдад сонгон шалгаруулалтгүйгээр олгож, төрийн байгууллагын хуулиар хамгаалагдсан эрх ашигт хүнд хор уршиг учруулсан хэмээн буруутгаж ялласан билээ. Д.Цэцэг