Цаатан иргэдийн амьдралыг дээшлүүлэх, тэдний боловсрол, нийгмийн хамгааллыг сайжруулах зорилгоор цаатнуудад мөнгөн тэтгэмж олгож байх асуудлыг өнгөрсөн сарын 11-ний Засгийн газрын хуралдаанаар хэлэлцэж баталса билээ. Үүний дагуу энэ сарын 1-ний өдрөөс эхлэн тайгад амьдардаг 18 хүртэлх насны цаатан хүүхдэд Хангайн бүсийн амьжиргааны доод түвшингийн 50 хувьтай тэнцэх хэмжээний, насанд хүрсэн иргэнд амьжиргааны доод түвшингийн хэмжээгээр сар бүр мөнгөн тэтгэмж олгох ажлыг зохион байгуулах журмыг баталж, хэрэгжүүлэхийг Хүн амын хөгжил, нийгмийн хамгааллын сайд С.Эрдэнэд үүрэг болгосон. Ийнхүү цаатнууд маань энэ сараас эхлэн тэтгэмжээ авч эхлэх юм. Б.Сайнаа