Өнгөрөгч баасан гаригт АНУ-ын Оклахома мужид болсон хүчтэй шуурганд 18 хүн амиа алдаж, таван хүн сураггүй алга болсон гэж тус улсын хэвлэл мэдээллийн агентлагууд мэдээлжээ. Амиа алдсан хүмүүсийн зургаа нь хүүхэд байсан байна. Цаг уурчдын хэлснээр Миссури, Иллинойс мужаар дайрч өнгөрсөн шуурга Оклахомад хамгийн их хохирол учруулжээ. Энэ нь Оклахомад учирсан анхны торнадо биш бөгөөд өнгөрсөн сарын 20-нд Мур хотод болсон байгалийн гамшигт 24 хүн амиа алдаж, хэдэн мянган барилга сүйдсэн юм. Д.Од