Нийгмийн бодлогын байнгын хорооноос Эмнэлгийн барилгын өнөөгийн байдалд үнэлгээ дүгнэлт өгөхөөр УИХ-ын гишүүн Л.Эрдэнэчимэгээр ахлуулан ажлын хэсгийг байгуулсан юм. Тус ажлын хэсэг өнөөдөр 10.00 цагаас эхлэн нийт нэр бүхий таван эмнэлгийн маргаантай байгаа газрын асуудал болон эмнэлгийн удирдлагуудтай уулзаж тулгамдсан асуудалтай  танилцаж байна.

Ажлын хэсгийнхэн эхлээд Сүхбаатар дүүргийн нэгдсэн эмнэлэгт ажиллана. Дараа нь Клиникийн нэгдсэн II эмнэлэг, Эх хүүхдийн эрүүл мэндийн нэгдсэн төв, Клиникийн нэгдсэн III эмнэлэг, Гэмтэл согог судлалын үндэсний төвд гэсэн дарааллаар ажиллана.

Энэхүү арга хэмжээнд УИХ-ын дөрвөн гишүүн болон ЭМЯ-ны холбогдох удирдлагууд оролцох аж.

П.Наран