Автотээврийн хэрэгслийн албан татвар, агаарын бохирдлын төлбөр хураах ажлын I үе шат энэ сарын 31-ийг хүртэл хугацаанд явагдаж дууссан. 6 сарын 1-ээс татвараа төлөөгүй тээврийн хэрэгслийг замын хөдөлгөөнд оролцуулахгүй байх журамтай ч иргэдийн хэрэгцээ, хүсэлт шаардлагыг харгалзан 6 сарын 10-ныг хүртэл ямар нэг торгуульгүйгээр татвараа төлөх боломжийг олшож байгаа юм байна. Харин Автотээврийн хэрэгслийн албан татвар, агаарын бохирдлын төлбөр хураах ажлын  II үе шат болох хяналтын үзлэг шалгалтыг Улаанбаатар хотын хэмжээнд 6 сарын 10-аас эхлэн 14 хоногийн хугацаанд зохион байгуулах юм. Хяналт шалгалтын үеэр татвараа төлөөгүй тээврийн хэрэгслийг илрүүлэн шалгаж, тогтоосон дүрмийн дагуу торгууль ногдуулан татварыг нь төлүүлэх юм. Авто тээврийн хэрэгслийн хяналтын үзлэг шалгалтыг суурин болон хөдөлгөөнт байдлаар татвар хураалтын ажлын нэг цэгийн үйлчилгээгээр зохион байгуулахаас гадна дүүрэг бүрт авто замын суурин хяналт, шалгалтын пост байрлана. Д.Цэцэг