ОХУ-ын ерөнхийлөгч Владимир Путин гэр бүлээ цуцлуулах гэж байгаагаа мэдэгдэн  бүх мэдээллийн хэрэгслийн тэргүүн нүүрэнд “заларлаа”. Тэрбээр Кремлийн ордонд “Эсмеральда” балет үзсэний дараа эхнэр Людмилагийнхаа хамт телевизийн камерын өмнө дээрх мэдэгдлийг хийж “Энэ бол бидний хамтын шийдвэр” гэжээ. Людмила Путина “Үнэхээр бид хамтдаа гэр бүлээ цуцлах шийдвэр гаргасан. Бид нэг нэгнээ харахаа бараг байсан. Владимир Владимирович ажилдаа бүх цагаа зарцуулдаг. Хүүхдүүд том болж өөрсдийнхөө амьдралаар амьдарч байна. Бид дотнын хүмүүс хэвээр үлдэнэ. Би Владимир Владимировичид намайг дэмжиж байдагт талархдаг” гэж хэлсэн байна. Сэтгүүлч Алина Кабаеватай гэрлэх бодолтой байна уу гэж асуухад Оросын ерөнхийлөгч “Та нар манай шар сонины нэгэн нийтлэлийн тухай асууж байх шиг байна. Өөр сонинд ч бас сайхан бүсгүйчүүдтэй орооцолдсон тухай бичдэг. Гэнэтийн юм болохгүй. Тэд надад бүх орос бүсгүйгийн адил таалагддаг. Би хэн нэгний хувийн амьдрал руу эротик фантаз, ханиадтай хамраа дүрэхийн эсрэг байр суурьтай байсаар ирсэн” хэмээн хариулжээ. Д.Од