Энэ сарын 15, 16-ны өдрүүдэд АНУ-д  IJF-ийн Гран-при тэмцээн болно. Тус тэмцээнд эрэгтэй 10, эмэгтэй хоёр тамирчны бүрэлдэхүүнтэй баг оролцох бөгөөд Монголын багийн бүрэлдэхүүн өнөөдөр тус улсыг зорилоо. Тамирчдыг шигшээ багийн дасгалжуулагч Д.Баттулга удирдан явж байгаа  ба тэмцээнээс медаль хүртсэн бөхчүүдэд чансааны 300-180-120 оноо тус тус олгох аж.   Майамигийн гран-при тэмцээнд 60 кг-д Г.Хэрлэн, 66 кг-д Б.Хишигбаяр, Б.Батгэрэл, 73 кг-д Х.Цагаанбаатар, 81 кг-д Г.Алтанбагана, Г.Түвшинжаргал, 90 кг-д Х.Цогтгэрэл, -100 кг-д Б.Тэмүүлэн, +100 кг-д Б.Сугаржаргал, Ө.Дүүрэнбаяр нар зодоглох бол эмэгтэйчүүдийн 52 кг-д А.Цолмон, 57 кг-д А.Батзул нар зодоглох юм байна.   П.Наран