Бүгд Найрамдах Финланд Улсын парламентын дарга Эрхэмсэг ноён Эеро Хейнэлуома тэргүүтэй төлөөлөгчид өнөөдрөөс манай улсад айлчилна.

Гурван өдөр үргэлжлэх айлчлалын хүрээнд ноён Эеро Хейнэлуома тэргүүтэй төлөөлөгчдийг Монгол Улсын Их Хурлын дарга З.Энхболд, Монгол Улсын Ерөнхий сайд Н.Алтанхуяг нар хүлээн авч уулзана. Мөн Уул уурхайн сайд Д.Ганхуяг, Боловсрол, шинжлэх ухааны дэд сайд Б.Ургамалцэцэг нар ноён Эеро Хейнэлуомад бараалхана. Төлөөлөгчид айлчлалынхаа хүрээнд “Финландын нийгмийн шинэчлэлийн 100 туршлага” номын нээлтэд оролцож, Геологийн төв лаборатори, Гандантэгчинлэн хийд, “Говь” ноолуурын үйлдвэрт зочилно гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

                     Бүгд Найрамдах Финланд Улсын Парламентын дарга

                                         Эеро Хейнэлоумагийн товч намтар

1955 оны 7 дугаар сарын 4-нд төрсөн

Эхнэр, 3 хүүхэдтэй

Боловсрол

1990            Эдийн засгийн менежментийн сургалт, Финландын Инновацийн

                     Сан /СИТРА

1980-1983  Улс төрийн шинжлэх ухааны чиглэлээр Хельсинкигийн Их

                      сургууль төгссөн

Ажлын туршлага

2011               Парламентын дарга

2005-2007  Сангийн сайд болон Шадар сайд

2003             Парламентын гишүүн

2010-2011  Социал-Демократ намын парламентын бүлгийн дарга

2008            Хотын Зөвлөлийн гишүүн

2005-2008  Финландын Социал Демократ намын дарга

2002-2005  Финландын Социал Демократ намын нарийн бичгийн дарга

1996-2002  Финландын Үйлдвэрчний Эвлэлийн Холбооны Төв байгууллагын дарга

Гадаад хэл

Финланд, Швед, Англи