Өнгөрсөн оны есдүгээр сарын 3-нд хичээлээ тараад ээж, дүүтэйгээ явж байсан Б.Есүгэн охин барилгын компанийн хариуцлагагүй үйлдлээс болж амь насаа алдсан. Олон нийтийг цочроосон уг осол болсноос хойш нэлээд олон сарын хугацаа өнгөрчээ.

Ослын дараа “Төгс гүрэн” ХХК-д эрүүгийн хэрэг үүсгэн Баянгол дүүргийн цагдаагийн хэлтэст шалгаж өнгөрсөн оны арванхоёрдугаар сард нийслэлийн прокурорын хяналтад шилжүүлсэн. Харин нийслэлийн Прокурорын газраас хэргийг хянаад дахин шалгах шаардлагатай хэмээн нэмэлт мөрдөн байцаалтад буцааж байсан юм. Тэгвэл уг хэргийн мөрдөн байцаалт дуусч, прокурор хянаад Баянгол дүүргийн шүүхэд шилжүүлсэн байсны дагуу өнөөдөр шүүх хурал нь болох гэж байна. Шүүх хурал өнөөдөр 15.30 цагт Баянгол дүүргийн шүүхэд болно

Б.Одон