ХБНГУ-ын иргэн М.Клобор гэгч этгээд 2005 онд Монголд 12 сая евротой ирээд сураггүй алга болсон мэдээлэл бий. Их хэмжээний мөнгөтэй ирсэн тэрбээр гэнэтхэн сураг тасарсанд ТЕГ-ын дэд хурандаа Д.Цогтбаатарыг холбогдуулан шалгаж эхэлжээ. М.Клобор нь Германд байхдаа монгол эмэгтэйтэй гэр бүл болж, пирамид хэлбэрийн сүлжээний бизнесээр 2000 гаруй хүнээс 13 сая евро залилан авчээ. ХБНГУ-ын цагдаагийн байгууллагаас түүнд эрүүгийн хэрэг үүсгэн шалгахдаа олон хүнээс ийм хэмжээний мөнгө залилан авч Монгол руу явсан болохыг тогтоожээ. М.Клобор Германд байхдаа урьд нь гэмт хэрэг  орооцолдон ял шийтгэл авч байсан нэгэн юм. Тиймээс Германы тал манай улсаас хүнээ нэхэж эхэлсэн байна. Иймд тус улсаас хоёр мөрдөн байцаагч өнөөдөр Монголд иржээ. Б.Одон