УИХ-ын гишүүн асан, Эрүүл мэндийн сайд асан С.Ламбаа өчигдөр УМБГ-т очиж мэдүүлэг өгчээ. Тэрбээр түүнийг сайд байх үед Төрийн нарийн бичгийн үүрэгт ажлыг нь хариуцан ажиллаж байсан Н.Хүрэлбаатарын хэрэг холбоотой асуудлаар мэдүүлэг өгсөн байна.   Энэ талаар Эрүүл мэндийн сайд асан С.Ламбаагаас тодруулахад “Тиймээ намайг УМБГ-аас дуудсан. Тухайн үед сайд байсныхаа хувиар өөрийн биеэр очиж албан ёсны мэдүүлэг өглөө. Надаас асуусан асуултуудад нь мэдэхийгээ хэлж мэдэхгүйгээ мэдэхгүй гэдгээ хэлсэн. Ямар ч байсан түүний холбогдоод байгаа энэ хэрэг надад хамаагүй.   Намайг сайд байх үед Н.Хүрэлбаатарын талаар мөнгө төгрөгтэй холбоготой хэл ам, цуурхал гарч байсан. Би түүнээс учрыг асуухад худал цуурхал санаа зоволтгүй гэж хэлсэн. Тэгээд л мартагдсан байсан. Тэгтэл одоо эргэн сөхөгдөөд яригдаж эхэллээ” гэв. П.Наран