Өчигдөрхөн үүрэгт ажлаа хүлээлгэн өгөөд байгаа ЗГХЭГ-ын дэд дарга асан Г.Дэнзэн нарт холбогдох хэргийг Нийслэлийн прокурорын газар хэрэгсэхгүй болгожээ.

Тодруулбал,  “Эрдэнэс Тавантолгой” компанийн 17 тэрбумын тендерт Ерөнхий сайд Н.Алтанхуягийн төрсөн дүүгийн охин Г.Уянгын “Gobi power” компани ялсан юм. Дөнгөж ганц сая төгрөгийн дүрмийн санатай байсан энэ компани нь нэг л өдөр тэрбум төгрөгийн дүрмийн сантай болж долоо хоногийн дараа 17 тэрбумын ялагчаар тодорсон. “Эрдэнэс-Тавантолгойн” тендерт ялагч Г.Уянга нь ЗГХЭГ-ын дэд дарга асан Г.Дэнзэнгийн эхнэр юм гэх яриа ихээхэн дуулиан дэгдээсэн.  Тэр ч бүү хэл, хүргэн хүүгийн ашиг сонирхлын зөрчил энд хөндөгдөж, өөрийн хүсэлтээр өргөдлөө өгөхгүй байсан ч хууль хяналтынхны оролцоотойгоор асуудлыг шийдэж мэдэхээр нөхцөл байдал бий болоод байсан юм.

Уг үйл явдалд МАН-ынхан нэлээдгүй анхаарлаа хандуулан АТГ-т хандсан юм. Тэгвэл өнгөрсөн сарын сүүлчээр АТГ “Эрдэнэс Тавантолгой” компанийн тендер хуулийн дагуу явагдсан эсэхийг хянаад, эрүүгийн хэрэг үүсгэн шалгах үндэслэл байна хэмээн манай байгууллага үзжээ. Гэтэд уг хэргийг Нийслэлийн прокурорын газар “үндэслэлгүй” хэмээн үзэж хэрэгсэхгүй болгосон талаар АТГ-ынхан мэдээллээ.