Монголын хип хоп холбооны ерөнхийлөгч асан, "Дижитал" хамтлагийн ахлагч Ш.Батбаяр энэ сарын 20-ны өдөр буюу нөгөөдөр суллагдах юм байна. Түүнийг хар тамхи хэрэглэсэн, бусдад худалдахыг завдсан гэх үндэслэлээр өнгөрсөн тавдугаар сарын 29-нд Чингэлтэй дүүргийн шүүхэд шүүсэн.

Шүүх бүрэлдэхүүн хэргийг хэлэлцээд хэргийн холбогдогч Т.Алтайд долоон жил, Ш.Батбаяр, Г.Адьяасүрэн нарт гурван сарын баривчлах ял оноосон. Харин Ш.Батбаярын өмнө нь цагдан хоригдсон болон эмнэлэгт хэвтсэн хугацааг ял эдэлсэнд тооцжээ. Ийнхүү түүний ялын хугацаа дуусч байгаа ажээ.