Бидний сайн мэдэх Саппорогийн аюулгүйн тойрог буюу жолооч нарын нэрлэж заншсанаар, эр зоригийн тойргийг “Гудамж”  төслийн хүрээнд дөрвөн замын уулзвар болон шинэчилж байна. “Гудамж” төсөл нь нийслэлийн замын 33 уулзварын өргөтгөн шинэчлэх бөгөөд уг ажил нь төслийн хүрээнд хийгдсэн хоёр дахь ажил юм.

Тус уулзварын зураг төслийг “Танил санаа” ХХК, зам барилгын ажлыг “Наранбулаг Хан” ХХК тус тус хийж гүйцэтгэжээ. Уг ажил өнгөрсөн сарын 30-нд эхэлсэн бөгөөд уг замыг энэ сарын 19-н буюу маргааш ашиглалтанд оруулахаар болжээ.

Саппорогийн тойрог нь Замын цагдаагийн газраас явуулсан судалгаагаар Улаанбаатар хотын хамгийн аюултай цэгээр нэрлэгдсэн бөгөөд уг тойрог нь дөрвөн замын уулзвар болсноор авто тээврийн осол, замын түгжрэл багасах юм.

Б.Одон