Стандартчилал, хэмжилзүйн газрын даргын үүрэг гүйцэтгэгч Г.Энхтайван Төрийн албан хаагчдыг хууль бусаар ажлаас халжээ. Энэ асуудлаар үндэслэлгүй ажлаас халагдсан иргэд өнөөдөр мэдээлэл хийв.

Тэд Стандарт хэмжилзүйн газрын шинэхэн удирдлагууд төсвийн мөнгийг хувьдаа завшиж, Төрийн албан хаагчидтай зүй бусаар харьцан, эсэргүүцсэн ажилтныг толгой дараалан ажлаас халах тушаал гаргаж байгааг мэдэглээ. Одоогийн байдлаар нийт 12 хүн халагдаад байгаа юм байна.

Иймд ажлаас халагдсан иргэдийн төлөөлөл болох "Мэргэшсэн төрийн албаны төлөө үндэсний холбоо"-ныхон өнөөдөр Н.Алтанхуяг, Д.Тэрбишдавга нарт шаардлага хүргүүлж байгаагаа албан ёсоор мэдэгдэв.