Баянхошууны Жанцангын буудал дээр өчигдөр 20.40 цагийн үед Benz 230 маркийн автомашинд гал гарлаа. Эх сурвалжийн мэдээлж буйгаар жолооч нь дэлгүүр ороод гараад ирэх хооронд автомашины салон дотроос гал авалзаж эхэлжээ. Суудлын автомашинд гал гарах үед тэр хавьд байсан 10 гаруй жолоочид галын хор байсангүй. Аз болж тус дэлгүүрийн худалдагч галын хор өгч автомашинд гарсан галыг унтраасан юм.

Дашрамд дуулгахад, одоогоос хоёр сарын өмнө Вокзалын баруун талд Соната 2 маркийн автомашин шатаж багагүй түгжрэл үүсгэж байсан. Тус автомашины цахилгааны утсанд масс үүссэнээс болж машинаа юу ч үгүй болтол шатааж байсныг шинжээчид мэдээлж байсан юм.