Малайзын агаарын тээврийн “MH17” онгоц  Амстердамаас Куала Лампур руу нисч явахдаа Украины Грабово хотод осолдсоны улмаас зорчиж явсан 295 иргэн бүгд амиа алджээ. Дэлхийн шилдэг мэдээллийн агентлагууд энэхүү ослыг хэрхэн дамжуулж буйг хүргье.

.

“ВВС” агентлаг: Түүх давтагдлаа

_

2014 он. Малайзын агаарын салбарт томоохон гарзтай жил болж байна. Өнгөрсөн гуравдугаар сарын 8-ны өдөр 239 зорчигчтой “МН370” онгоц үл мэдэх шалтгааны улмаас сураггүй болсон юм. Дэлхийн 27 орны 2500 гаруй аврагчид өнөөг хүртэл онгоцыг хайсаар.

Гэтэл өчигдөр Малайзын “МН17” гэх зорчигч тээврийн онгоц салан тусгаарлагч нарын гарт орсон Грабово хотод осолджээ. Энэхүү ослын цаана ямар этгээд байгаа нь сураггүй байна. Харин АНУ-ын Ерөнхийлөгч Барак Обама онгоцны осолд Оросын талыг баримтлагчдыг буруутгаж буй. Энэхүү таамгыг баталсан юм шиг ослын газар “Бүгд найрамдах Донецк улс”-ын Ерөнхий сайд Александр Бородай ирж харагдав.

.

“CNN” агентлаг: Малайз уй гашууд автлаа

.

Хэдхэн сарын дотор Малайз хэдэнтээ нулимсанд будагдлаа. “МН370” онгоцтой сураггүй болсон зорчигчдын гэр бүл өнөөг хүртэл тус улсын олон улсын нисэх буудалд байршсан хэвээр. Онгоцонд зорчиж явсан БНХАУ-ын 157 зорчигчийн гэр бүл Бээжин хотод байрлах Малайзын элчин сайдын гадна “Тэднийг минь буцаагаад аваад ир” хэмээн тайван жагсаал хийсээр байна.

Харин Амстердамаас Куала Лампур руу нисч байсан онгоц “МН17” сураггүй болсонгүй олны нүдэн дээр осолдлоо.

Онгоцонд зорчиж явсан 295 зорчигч бүгдээрээ газар дээрээ амиа алдав. Укриан болон Малайзын аврагч нар тэднийг таних ажиллагааг үргэлжлүүд Голландын Засгийн газраас тусламж хүчээ. “МН17” онгоцонд Голландын 156 зорчигч зорчиж явсан юм.

Осолтой холбоотой олон таамаг гарч буй ч онгоцыг ямар зорилгоор сөнөөсөн нь тодорхойгүй байна. Тэгэхдээ олон улс Украины салан тусгаарлагч нарыг буруутгаж байгаа ч одоогоор таамаг байхгүй байгаа юм.

_

“Ройтерс” агентлаг: Хэрвээ онгоц сураггүй болвол ийм онгоц байгаа

.

Малайзын агаарын тээврийн “МН17” онгоц Украины Грабово хотод осолдсон юм. Харин 295 зорчигчийн нэг Голланд улсын иргэн 21 настай Кор Пэн гэх залуу онгоцонд суухаасаа өмнө “МН17” онгоцны зургийг аваад “Хэрвээ онгоц сураггүй болвол ийм онгоц байгаа шүү” гэж бичиж, “Instagtam”-даа өөрийнхөө зургийг байршуулаад “Би үхвэл АНУ-ын Ерөнхийлөгч Барак Обама, Дэд Ерөнхийлөгч Жое Байдан нарт нэрийг минь хэлээрэй” гэж бичжээ.

Малайзын эрх баригчид “Энэ залууг алан хядагч хэмээн таамаглахад эрт байна” гэж мэдэгдсэн байна.

.

“AFP” агентлаг: Хариултгүй асуулт

.

Өчигдөр 23.00 цагийн орчимд Малайзын агаарын тээврийн “МН17” гэх онгоц осолдлоо. Ослын улмаас Голландын 154, Австралийн 23, Малайзын, 11 Индонезын 1 хүн, Их Британийн 6, Германы 4, Бельгийн, Филиппин, Канадын 3 иргэн, багийн 15 гишүүн гэнэтийн ослоор амиа алдав.

Онгоцны осол санаатай юу санамсаргүй гэдэг нь хариултгүй асуулт шиг.

Малайз, АНУ, Их Британийн Засаг захиргаанаас Украины салан тусгаарлагчид онгоцыг дэлбэлсэн хэмээн таамаглаж буйгаа нуугаагүй. Тэгэхдээ НҮБ-аас эрт таамаг дэвшүүлэхийг хориглож, Аюулгүй зөвлөлийн гишүүд өнөөдөртөө багтааж ослын газарт очиж, эцсийн дүнгээ гаргахаар болжээ.

Малайзын олон улсын нисэх буудал гурван сарын өмнөх шиг нулимс, уй гашууд автжээ. Харин Голландын олон улсын нисэх буудал эсрэгээрээ үймээн самуун, эмх замбараагүй байдал газар авчээ.

Дэлхийн түүхэнд дахин нэгэн Хариултгүй асуулт гарч ирлээ. Одоо хүртэл бид “МН370” онгоц сураггүй болсон шалтгааныг тайлж чадахгүй байна.

.

“ABC” агентлаг: “МН17” онгоцонд гурван настай хүү зорчиж явжээ

.

“МН17” онгоцонд зорчиж явсан зорчигчдын хамгийн бага нь гурван настай Голланд хүү байжээ. Энэ тухай Малайзын эрх баригчид мэдэгдэв.  Зорчигчдын мэдээллээс үзвэл дээрх хүү 57 настай өвөөгийн хамтаар зорчиж явсан байжээ.

Хүүгийн нэр болон хувийн мэдээллийг нь нийтэд зарлах нь хэтэрхий аюултай гэж үзсэн байна.

Өмнө нь сураггүй болсон “МН370” онгоцонд бас Хятад улсын иргэн дөрвөн настай Лу Жиан Хи гэх хүү зорчиж явсан юм.

Хүүгийн аав, ээж хоёр одоог хүртэл Малайзын элчин сайдын гадна эсэргүүцлээ илэрхийлсээр байна.

_

Эх сурвалж www.Dailymail.co.uk.

.

Б.Дэлгэрцэцэг