Малайзын зорчигч тээврийн “MH17” онгоц  Амстердамаас Куала Лампур руу нисч явахдаа Украины Грабово хотод осолдлоо. 295  зорчигчийн аминд хүрсэн ослын талаар орон орны удирдлагууд ямар  байр суурьтай байгааг сонирхуулья.

:

Тэдний амийг чи төл

:

ОХУ-ын Ерөнхийлөгч В.Путин:

Украины Ерөнхийлөгч Петр Порошенког Малайзын агаарын тээврийн “МН17” онгоцны осолд буруутгасан байна. Тэрбээр “Порошенко салан тусгаарлагч нартай энхийн хэлэлцээ хийхгүй цаг алдсан учир дахин олон зуун иргэний аминд хүрлээ. Тэдний амийг чи төлөх ёстой” гэж хэлжээ.

Амиа алдсан 295 зорчигчийн гэр бүлд Төрийн Думын бүх гишүүд эмгэнэл илэрхийлж, нэг минут дуугаа хураав.

:

“МН17” онгоцны ослыг Орос захиалсан

:

АНУ-ын Ерөнхийлөгч Барак Обама:

АНУ-ын Засаг захиргаа “МН17” онгоц осолдсоны дараа шуурхай хуралдаан зохион байгуулсан байна. Энэхүү хуралдааны дараа Ерөнхийлөгч “МН17” онгоцны ослыг Орос захиалсан гэж мэдэгджээ.

_

:

100 хувь алан хядах ажиллагаа

.

:

Украины Ерөнхийлөгч Петр Порошенко:

Энэ хэргийг хэн үйлдсэн нь тодорхой. Бид Оросын тагнуулын алба болон босогчдын хоорондын утасны яриаг бичиж авсан. Оросын гэмт хэрэгтнүүд энэ хэргийг үйлдсэн нь тодорхой байна. Энэ бол  100 хувь алан хядах ажиллагаа.

_

:

Малайз агаарын тээврийн салбартаа өвдөг сөгдлөө  

_

.

Малайзын Ерөнхий сайд Нажиб Разак:

Өнгөрсөн шөнө манай улсын зорчигч тээврийн “МН17” онгоц Амстердамаас Куала Лампур руу нисч явах үедээ  Украины Грабово хотын хил орчимд осолдсон. Энэхүү ослын улмаас 294 зорчигч амиа алдсан. Малайз агаарын тээврийн салбартаа өвдөг сөгдлөө.

_

:

Таамаг дэвшүүлэх нь ёс зүйгүй хэрэг

_

.

НҮБ-ын Ерөнхий нарийн бичгийн дарга Бан Ги Мүн:

Малайзын зорчигч тээврийн “МН17” онгоц осолдож, 295 хүн амиа алдсанд харамсч байна. Гэхдээ урьдчилан таамаг дэвшүүлэх нь ёс зүйгүй хэрэг. Олон улс зорчигчдын гэр бүлийг хүндэтгэх хэрэгтэй. НҮБ-ын төлөөлөгч нар ослын газар дүн шинжилгээ хийсний дараа эцсийн дүнг танилцуулья.

_

 :

Онгоцыг Орост үйлдвэрлэсэн зэвсгээр хөнөөсөн

.

.

Пентагоны тэргүүн Чак Хейгл:

Малайзын онгоцыг 1948 онд Зөвлөлт холбоот улсад үйлдвэрлэсэн “Бук 9к37” хэмээх агаарын довтолгооноос хамгаалах пуужингаар буудсан. Тиймээн онгоцны ослын хариуцлагыг Украин бус Орос хүлээх ёстой.

_

.

Эмгэнэл илэрхийлье

_

.

Украины Ерөнхий сайдын үүрэг гүйцэтгэгч Арсеный Яценьюк:

Олон улсын анхааралд орсон Малайзын зорчигч тээврийн “МН17” онгоцонд зорчиж явсан 295 зорчигчийн гэр бүлд эмгэнэл илэрхийлье. Украины Засаг энэхүү осолд гол анхаарлаа төвлөрүүлэн ажиллах болно.

_

.

Онгоцны ослоор амиа алдсаар байх уу

_

.

Германы Канцлер Ангела  Меркель:

Малайзын зорчигч тээврийн “МН370 онгоц сураггүй болоод гурван сар боллоо. Одоо хүртэл энэ онгоцыг осолдсон, осолдоогүй нь таамаг хэвээр байна. Дахин Малайзын “МН17” онгоц осолдлоо. Малайзын удирдлагуудад хандахад Онгоцны ослоор амиа алдсаар байх уу.

_

.

_

_

Б.Дэлгэрцэцэг