• 2014-07-22

Цахилгааны төлбөрөө 10 хоногийн хугацаанд өгөх ёстой

img

УБЦТС компани борлуулалтын орлого төвлөрүүлэлтийг сайжруулах, авлагыг бууруулах, эрчим хүчний салбарын эдийн засгийн чадавхийг дэмжих зорилгоор хэрэглэгчдээс төлбөрөө авах хугацааг энэ оны наймдугаар сарын 1-ний өдрөөс эхлэн 10 хоног болгон өөрчилжээ. Өмнө нь хэрэглэгчид цахилгааны төлбөрөө 15 хоногийн дотор төлдөг байсан.

а

Тус компани хэрэглэгчдээ оршин суугаа дүүргийнх нь нутаг дэвсгэрээс нь шалтгаалан цахилгаан эрчим хүчний борлуулалтын 1, 2, 3, 4, 5, 6 дугаар циклд хувааж төлбөр хураах ажлаа явуулдаг. Тухайн хэрэглэгч аль циклд хамрагддагийг “Цахилгаан эрчим хүчээр хангах гэрээ”-д нь тусгайлан тэмдэглэж өгсөн байдаг. Төлбөр төлөх хоног багассан нь бүх циклийн хэрэглэгчдэд хамаарах ба дараах хүснэгтэд заасан хугацаанд цахилгааны төлбөрөө харьяа Хэрэглэгчдэд үйлчлэх төвөөс гадна банк, банкны биллинг үйлчилгээ, цахим картаар мөн тус компанийн http://my.tog.mn онлайн төлбөр тооцооны системийг ашиглан хоногийн аль ч цагт төлөх боломжтой гэж мдээллээ.

 а

Хэрэглэгчдийн сар бүр цахилгааны төлбөрөө төлөх хугацаа

Цикл Тоолуурынзаалт авах Нэхэмжлэхбанкинд хүргэгдэх Хэрэглэгчтөлбөрөө төлөх Сануулах, түдгэлзүүлэх мэдэгдэл хүргэх Эрчим хүчний хэрэглээг түдгэлзүүлэх
I 1-5-ны өдрүүд 2-6-ны өдрүүд 6-15-ны өдрүүд 11-15-ны өдрүүд 16-ны өдрөөс
II 6-10-ны өдрүүд 7-11-ний өдрүүд 11-20-ны өдрүүд 16-20-ны өдрүүд 21-ний өдрөөс
III 11-15-ны өдрүүд 12-16-ны өдрүүд 16-25-ны өдрүүд 21-25-ны өдрүүд 26-ны өдрөөс
IY 16-20-ны өдрүүд 17-21-ний өдрүүд 21-31-ний өдрүүд 26-30-ны өдрүүд 1-ний өдрөөс
Y 21-25-ны өдрүүд 22-26-ны өдрүүд 26-5-ны өдрүүд 1-5-ны өдрүүд 6-ны өдрөөс
YI 26-30-ны өдрүүд 27-1-ний өдрүүд 1-10-ны өдрүүд 6-10-ны өдрүүд 11-ний өдрөөс

а

Энэхүү өөрчлөлттэй холбогдуулан “Цахилгаан эрчим хүчээр хангах гэрээ”-ий хоёрдугаар хавсралтад нэмэлт өөрчлөлт оруулж, тус компанид бүртгэлтэй гар утас руу нь мессэжээр мэдээлэл хүргэх ажил хийгдэж байгаа ба иргэд харьяа Хэрэглэгчдэд үйлчлэх төвдөө хандаж, гэрээгээ шинэчлэн баталгаажуулах ёстой байна.

а

Б.Бэхи

СЭТГЭГДЭЛ БИЧИХ

boomamuu:
мөнгө авахаа урьтал болгоод байх юм. хэрэглэгчдэдээ бодмоор юм. хэдхэн жилийн өмнө тогноос болж компьютер шатсан. өө мөн тогны мөнгөний хажуугаар хогны хураамж авахаа болимоор юмаа. хогоо ачихаа байлаа өмнөх шиг нь тэр дор нь авдаг болгомоор байна шүү
2014-07-22
ядаргаа:
ингэж байхаар дээр үед сар болгоны эхэнд түрүү сарын бүх төлбөр нэг л хуудсанд багтан бичигдэж нэг л банканд тушаачихдаг байсныг эргээн сэргээгээчээ одоо тал талд тарсан байгууллагууд заавал өөрснөө төлбөрөө авна гэж чирэгдүүлээд байна шүү дээ
2014-07-22
дусалболго:
эрчим хүчний гэрээ хийчхээд гэрээнийхээ дагуу үйлчилж чададгүй,байнга хүчдэл тасарч ,хохирол гарч байдаг,04-кв-ийн шугамнууд нь ялангуяа хөдөө сумын нутагт гэрийн дээврийн өндрөөс арай дээгүүрхэн,зарим газар үлбийгээд унжсан,өндөрхөн хүн шүрэгмээр ,стандартын модон шон байдгүй маш нарийхан 13-16 саатай,муруй тахир яртай шонтой газрууд зөндөө байж байна аа,жаахан хүчтэй бороо цас ,шуурхаар тог нь алга болчихно,иргэдийн мах шөл өмхийрч муудана,гэрэл гэгээгүй иргэд хохирно,хариу үзүүлэлт уучлалт эррчим хүчний газраас өгөдгүй ,зарим үед шалтгаангүйгээр урьдчилан хэлэхгүйгээр тог таслана_давуу эрх мэдэл гаргана,мэдэн будлина,иргэдтэйгээ зөв боловсон харьцаагүй,хэрүүл ам,хатуу үг хэлнэ,танил харж тог хулгай хийлгүүлдэг гэх мэт зүйүүд цухуйна шүү, иймд танайд шудрага мэдлэгтэй ажилчид хэрэгтэй шүү,тоолуур холбож чадахгүй хүн монтер хийгээд явж таархгүй байхдаа
2014-07-22