АНУ-ын Ерөнхийлөгч Барак Обама Калифорни мужид байрлах тансаг харшийг 4.25 сая ам.доллароор худалдан авсан тухай “www.dailymail.co.uk” мэдээллээ. Тус харш 20 өрөөнөөс гадна таван угаалгын өрөө, хоёр гал тогооны өрөөтэй аж. Обама ирэх 2016 онд Ерөнхийлөгчийн албан тушаалаа хүлээлгэн өгөх юм. Тэрбээр гэр бүлийнхээ хамтаар Вашингтонд байрлах Цагаан ордонд зургаан жилийн турш амьдарсан билээ. Обама Ерөнхийлөгч болохоосоо өмнө Нью Жерси мужид байрлах “Gallant” хэмээх сууцанд амьдардаг байсан юм.

1

Ерөнхийлөгч өчигдөр Лос Анжелес хотноо “Trade Technical” коллежийн оюутнуудтай уулзах үеэрээ харш худалдан авч, энгийн амьдрал руу орох бэлтгэл хийж эхэлсэнээ мэдэгдсэн байна.

Тэрбээр “Би хоёр жилийн дараа нэр дэвшигч, Ерөнхийлөгч бус сонгогч, иргэн болно. Цагаан ордонд байсан цаг минут бүр минь гайхалтай байна. Охид минь тэнд том боллоо. Тун удахгүй ирэх хоёр дахь амьдралдаа зориулж шинэ байшин худалдан авсандаа баяртай байна” гэж ярьжээ.

1

Б.Дэлгэрцэцэг