Шинжаан Уйгарт болсон террорист халдлагын улмаас 10 гаруй хүн амиа алдаж 11 хүн гэмтсэн тухай “Ройтерс” агентлаг мэдээллээ. Хятадын төрийн мэдлийн “Синьхуа” агентлагийн уламжилж буйгаар “Хутга болон хүйтэн зэвсгээр зэвсэглэсэн 7-8 этгээд Шаче дүүргийн 147 дугаар цагдаагийн хэлтэс болон хятадын амбан захирагчийн төв байр руу халдаж, замдаа тааралдсан хүмүүсээ гэмтээсэн” гэжээ.

1

Захиргааны байрыг хамгаалж байсан хятад цагдаа нар гэмт этгээдүүдийн тавыг нь буудаж аюулгүй болгосон байна. Террорист халдлагын үеэр амиа алдсан иргэдийн дотор Уйгур, Хан үндэстнүүд байгаа гэж цагдаагийн газраас мэдээллээ.

Мөн дээрх халдлагаас гадна “Тусгаар тогтнол” гэж бичсэн улаан өнгийн цамцаар жигдэрсэн хүмүүс 30 гаруй цагдаагийн машиныг шатааж, гурван цагдааг гэмтээж, гар болон хөлийг хугалсан аж.

1

Хятадад удаа дараа гарч буй террорист халдлагад Уйгуруудыг буруутгаж, хоморголон баривчилж байгаа юм. Энэ сард л гэхэд 60 гаруй уйгарыг баривчилж байцаалт авч эхэлжээ. НҮБ-аас мэдээлсэнээр 2013-2014 онд цагдаа нарт баригдсан 2500 гаруй уйгар үндэстний 10 хувь нь л эрх чөлөөтэй болсон гэнэ.

1

Б.Дэлгэрцэцэг