Оросын Ростов мужид Украины зүүн хязгаарын хэд хэдэн хотоос өдөрт хамгийн багадаа 1000 хүн ирж байна гэж ОХУ-ын Ерөнхий сайд Дмитрий Медведев мэдэгдэв. Салан тусгаарлагч болон босогч нарт эзлэгдсэн хотуудаа буцаан авахын тулд Украины Ерөнхийлөгч Петр Порошенко цэргийн ажиллагаа явуулах шийдвэр гаргасны улмаас энгийн иргэдийн хувьд зүүн хязгаарын хотууд аюултайд тооцогдож эхэлсэн юм.

6

Өнгөрсөн тавдугаар сараас эхлэн Оросын Ростов мужид Украинаас дүрвэсэн хагас сая иргэн тус мужид байрлах хуаранд байрлаад буй. Тэгвэл өнгөрсөн долоо хоногоос эхлэн Ростов мужийг чиглэх дүрвэгдийн тоо хэд дахин нэмэгдэж өдөрт 1000 гаруй дүрвэгсэд ирж буйд санаа зовж буйгаа Ерөнхий сайд мэдэгджээ.

6

Тэрбээр “Оросыг их хямралдаа буруутгаж буй Украинчууд манай улсыг чиглэх нь ёс зүйгүй хэрэг. Энэ асуудлаар Украины удирдлагууд хурдан хариулт өгөхийг шаардаж байна. Порошенко иргэдийнхээ амар тайван орчинг бэлдэж өг” хэмээн хэлсэн байна.

7

Б.Дэлгэрцэцэг