ОХУ-ын Ерөнхийлөгч Путиний зарлигийн дагуу АНУ, Их Британи, Герман, Канад, Австрали, Франц, Норвеги, Финлянд зэрэг орноос тус улсад хүнс оруулж ирэхийг хориглосон билээ. Хориотой барааны жагсаалтад үхэр, гахай, шувууны мах, утсан мах, хиам, сүү сүүн бүтээгдэхүүн, загас, хясаа, хүнсний ногоо, жимс жимсгэнэ, ургамлын тос, масло, хатаасан, давсалсан бүтээгдэхүүн, хүүхдийн нэмэлт тэжээл, чихэр, шоколад зэрэг бүтээгдэхүүн багтжээ. Энэхүү хориг хэрэгжсэнээр Европын орнууд хамгийн багадаа 10 тэрбум ам.долларын хохирол амсана. АНУ 843 сая ам.доллар, Норвеги 1 тэрбум 200 сая, Польш 800 сая, Канад 373 сая, Австрали 682 сая, Франц 752 сая ам.долларын хохирол учирна гэсэн судалгааг оросууд хийжээ.

6

Дотоодын үйлдвэрлэгчид урмыг минь бүү хугалаарай

6

ОХУ-ын Ерөнхий сайд Дмитрий Медведев

Өнөөдөр энэхүү шийдвэрийг албан ёсоор баталгаажуулж, гарын үсгээ зурав. Ерөнхийлөгчийн энэ шийдвэр дотоодын үйлдвэрлэгчдэд ашгаа хэд дахин нэмэгдүүлэх боломжийг олгов. Бид гадаадын баталгаагүй хүнсийг хэрэглэхээс татгалзлаа. Дотоодын үйлдвэрлэгчид урмыг минь хугалахгүй гэдэгт итгэлтэй байна.

6

100 мянган ажлын байр шинээр бий болно

5

ОХУ-ын Хөдөө аж ахуйн хяналтын газрын дарга Алексе Алексей

Өнөөдрөөс эхэлж Оросын хөдөө аж ахуй дотоодынхоо хүнсний хэрэгцээг 100 хувь хангах болно. Хөдөө аж ахуйн салбарт эх орны үйлдвэрлэлийн хэмжээ 281 тэрбум рублиэр өснө. Мөн шинэ ажлын байрууд бий болно. Хамгийн багадаа 100 мянган ажлын байр.

6

Загас, алим муудлаа

7

“ВВС” агентлаг

“Хамгийн их хохирол амссан орноор Норвеги, Франц тодров. Норвеги  Орост сүүлийн 10 жилийн турш загас болон хавч нийлүүлсэн. Путиний зарлигаас болж 270 тонн загас муудаж, хэрэггүй боллоо. Норвегийн загасны аж үйлдвэр бүтээгдэхүүнийхээ 70 хувийг Орост нийлүүлдэг байжээ. Норвегийн бүхэл бүтэн салбар дампуурлаа тун удахгүй зарлахаар болжээ. Мөн Франц 25 жилийн турш Орос улсад нийлүүлэх жимс жимсгэнэ болон лаазалсан бүтээгдэхүүний салбарт тэргүүлсэн. Нэг үгээр ямар ч өрсөлдөгчгүй. Тус улс Орост нийлүүлэхээр 56 сая хайрцаг жимс жимсгэнэ бэлдсэн ч Путиний хоригоос болж хилийн дээс давж чадсангүй. Загас, алим муудлаа” хэмээжээ.

6

Путин тоглоогүй

6

Европын холбооны Ерөнхийлөгч Ж.М.Баррозо

АНУ зөвхөн жимс, хүнсний ногоог Орос руу экспортолж чадахгүй болсны улмаас 9-10 тэрбум еврогийн алдагдал хүлээнэ. Австрали гахай, үхрийн махаа Орост нийлүүлэхээ зогсоовол хамгийн багадаа нэг тэрбум ам.долларын алдагдал хүлээнэ. Польш сүүн бүтээгдэхүүнээ нийлүүлж чадахгүй бол хоёр тэрбум ам.долларын алдагдалд орно. Нидерланд улс гэхэд л сүү, сүүн бүтээгдэхүүний хориг арга хэмжээнээс болж 185.5 сая ам.долларын алдагдал хүлээнэ. Финляндын хүнсний бүтээгдэхүүний экспортын 25 хувь нь Оросыг чиглэсэн байдаг тул хориг арга хэмжээний улмаас 400 сая еврогийн алдагдал хүлээнэ. Путин энэ шийдвэрээ удаан судалсан байна. Путинийг басч болохгүй гэдгийг бид мэдлээ. Түүнийг харахад тэр тоглоогүй байна” гэжээ.

6

Эх сурвалж: www.gazeta.ru

6

Б.Дэлгэрцэцэг