Загвар зохион бүтээгч Викториа Бекхэм том хүү Бруклинийг 18 нас хүртлээ найз охинтой болохыг хориглосон тухай “www.huffingtonpost.com” мэдээллээ. 15 настай Бруклин саяхан холливуудын залуу уран бүтээлч 17 настай Чолье Моритзтэй Нью Йорк хотод болзож байхдаа гэрэл зурагчдын дуранд өртсөн билээ. Тэд хотоор зугаалж, амьд хөгжмийн тоглолт үзсэн аж. Мөн өнгөрсөн амралтын өдөр Моритз Лондонд очиж Бруклинтэй уулзсан юм.

56

Тэгвэл Викториа хүүгээ насанд хүрэх хүртлээ ямар ч охинтой дотно харилцаа тогтоох болон болзоонд явахыг хоригложээ. Тэрбээр Лос Анжелес хотод зохион байгууллагдсан загварын долоо хоногт оролцсоныхоо дараа “Company magazine”-д ийнхүү ярьжээ. “Хүү минь дөнгөж 15 настай. Тэр саяхнаас нэг охинтой үерхэж байгаа гэдгээ хэлсэн. Би ч эхлээд тоогоогүй ч гэсэн дараа дүү нартаа буруу үлгэр дуурайлал болохыг ойлгосон. Бруклин өнгөрсөн сараас эхлэн түргэн хоолны газар ажиллах хуваарьтай байсан ч найз охин гэх шалтгаанаар ажлаа орхисон гэдгийг мэдсэн. Энэ бол хэтэрхий эрт биеэ тоож буйн хэлбэр гэдгийг ойлгуулахыг хүсч, дээрх шийдвэрийг гаргасан юм” гэж Викториа хэлсэн байна.

5

Сэтгүүлч түүнээс Дэвид Бекхэм энэ шийдвэрт хэр сэтгэл хангалуун байгааг асуухад “Би тэдний ээж. Тиймээс би шийдвэр гаргах эрхтэй” гэжээ. Викториа төгсгөлд нь “Чолье Моритз их хөөрхөн охин. Тэгэхдээ Бруклинд тохирохгүй” гэжээ.

5

Б.Дэлгэрцэцэг