Бразилд ирэх сард болох Ерөнхийлөгчийн сонгуульд Ардчилсан намаас нэр дэвшигч Эдуардо Кампос онгоцны ослоор амиа алдсан тухай “Ройтерс” агентлаг мэдээллээ. Нэр дэвшигчийн сууж явсан “AG-24” онгоц Сан Пауло хотын Сантос мужид осолдсон байна. Онгоцны ослоор дөрвөн зорчигч болон багийн гурван гишүүн амиа алджээ.

1

Энэхүү ослын дараа тус улсын Ерөнхийлөгч Дилма Роуссефф орон даяар гашуудал зарлаж, сонгуулийн компанит ажлаа түр зогсоосон байна. Тэрбээр төв телевизээр “Бидний сайн нөхөр хорвоог орхилоо. Чамайг хэзээ ч мартахгүй” хэмээн хэлж гэр бүлд нь эмгэнэл илэрхийлсэн аж. Аврах албаны дарга Нариежин Хуан “AG-24 онгоц Чиван хэмээх хорооллын дээгүүр хөөрч явахдаа өндрөө алдаж унасан” гэжээ.

Эдуардо Кампос 2000-2004, 2006-2010 онуудад Бразилийн зүүн хойд хэсэгт орших Пернамбуко мужийн амбан захирагчаар ажиллаж байсан юм.

1

Б.Дэлгэрцэцэг