Германы гадаад хэргийн сайд Франк Вальтер, Оросын гадаад хэргийн сайд Сергей Лавров болон Францын гадаад хэргийн сайд Лоран Фабиус нар өчигдөр Берлин хотноо уулзаж, Украин руу илгээсэн Оросын тусламжийн асуудлаар байр сууриа солилцсон байна.

6

Сергей Лавров энэхүү тусламжийг хүмүүнлэгийн зорилготой гэдгийг онцлоод Украины Ерөнхийлөгч Петр Порошенког буруутгасан байна. Тэрбээр “Порошенко болон тэдний нөхдүүд хэтэрхий муу санаж байна. Оросоос ирсэн тусламжийг хил нэвтрүүлэх нь олон мянган иргэнд тустай. Ямар шалтгаанаар тусламжийн цувааг хил нэвтрүүлэхгүй байгаад гайхаж байна” гэж хэлжээ. Германы гадаад хэргийн сайд Франк Вальтер түүнтэй адилхан бодолтой байгаагаа илэрхийлсэн байна.

6

Өнгөрсөн долоо хоногт ОХУ-ын Ерөнхийлөгч Владимир Путиний санаачилгаар Украины зүүн хязгаарын Луганск, Донецк мужийн иргэдэд зориулж 280 гаруй ачааны машинтай тусламжийн цувааг илгээсэн ч Порошенко авахаас татгалзсан юм. Тэрбээр Путин тусламж нэрийдлээр хөлсний цэргүүдийг хил нэвтрүүлэхийг санаархаж байна хэмээж хүмүүнлэг, зэр зэвсгийн ямар ч тусламж Оросоос авахгүй гэдгээ мэдэгдсэн билээ.

6

Харин НҮБ болон “Улаан загалмай” нийгэмлэг Оросын нэрийн өмнөөс тус тусламжийг шаардлагатай иргэдэд хүргэхээ Порошенкод амласан ч, нааштай хариу аваагүй юм.

6

Б.Дэлгэрцэцэг