Украины зүүн хязгаарын Донецк, Луганск мужаас өнгөрсөн долоо хоногт 22 мянган иргэн дүрвэсэн тухай НҮБ-ын Хүмүүнлэгийн асуудал зохицуулах газрын дарга Жеймс Холмс Аюулгүй зөвлөлд явуулсан тайландаа дурьджээ. “Наймдугаар сарын эхний долоо хоногт тус хоёр мужаас нийт 6.2 мянган иргэн дүрвэсэн. Харин энэ сарын 11-17 өдрүүдэд 22 мянган иргэн дүрвэж, Оросын Ростов мужийн хил орчимд байршаад байна. Луганск мужид амьдарч буй 250 мянга гаруй иргэн өнгөрсөн сарын 17-ноос эхлэн гэрэл цахилгаан болон цэвэр усгүйгээр амьдарч байна. Мөн 10 гаруй нярай нярайн халдвар авсан” гэж тайланд бичжээ.

7

Ростов мужид Украины 739 мянган иргэн орогнож байна гэж НҮБ-ын Дүрвэгсдийн асуудал эрхэлсэн Дээд комиссар Антониу Гутерриш мэдэгдээд “Өнгөрсөн дөрөвдүгээр сараас наймдугаар сарын 15 хүртэл зүүн хязгаарт 2100 иргэн амиа алдаж, 6004 иргэн шархтсан. Донецк, Луганск мужид өдөрт 30-40 хүн амиа алдаж байна” гэлээ.

6

Оросын талаас Ростов мужид дүрвэгсдэд зориулж тусгай байр бэлдэж өгч буй юм. Ерөнхий сайд Дмитрий Медведев “Украинчуудад зориулж дахин 15 мянган хорогдох байр, майхан барихаар болсон” гэж хэлсэн байна.

7

Б.Дэлгэрцэцэг