АНУ-ын иргэн, Франс пресс агентлагийн сэтгүүлч, гэрэл зурагчин 37 настай Жеймс Фоулиг Иракийн хэт даврагч “Халифын вант улс” бүлэглэлийн дайчид цаазаар авч буй видео бичлэгээ олон нийтийн сүлжээнд байршуулсан тухай “www.dailymail.co.uk” мэдээллээ. 2012 оны нэгдүгээр сард Жеймс Фоулиг Иракт сурвалжлагаар явж байхдаа тус бүлэглэлийн дайчдад олзлогдсон юм. АНУ-ын Засаг захиргаа иргэнээ буцаан авах хүсэлтээ хэд хэдэн удаа илэрхийлж байсан ч бүтээгүй билээ.

1

Дайчид хэлэхдээ “АНУ-ын агаарын нисэх хүчин бидний гэр орон, хуаран руу агаараас цохилт өгч буй учир энэ залууг цаазалж байна” гэжээ. Тус бичлэг “Youtube.com” дээр тавигдаад таван минутын дараа устгагдсан байна. Дүрс бичлэгийг устгахыг Цагаан ордноос шаардсан гэж тус сайтаас мэдэгджээ. Франс пресс агентлагийн эрхлэгч Кадобнов Юрий “Энэ мэдээллийн баттай эсэх нь тодорхойгүй байна. Бидэнд хангалттай мэдээлэл алга. Тиймээс Фоулигийн гэр бүлийнхэнтэй хамт хүлээхээс өөр арга алга” гэсэн байна.

1

Б.Дэлгэрцэцэг