Хятадын нэрт жүжигчин Жэки Чаны хүү Жэйси Чан энэ долоо хоногийн эхээр хар тамхи хэрэглэсэн хэмээн цагдаагийнханд саатуулагдсан билээ. Тэрбээр Тайваний уран бүтээлч Кай Котой хамт баригдсан юм. Тэгвэл Жэки Чан хүүгийнхээ өмнөөс уучлалт гуйсан тухай “Ройтерс” агентлаг мэдээллээ. Тэрбээр “Намайг Лондон хотод зохион байгууллагдсан Хятадын кино долоо хоногт оролцож байх үед хүү минь цагдаагийнханд баригдсан. Би Бээжинд ирсэн даруйдаа хүүтэйгээ уулзахыг хүссэн ч цагдаа нар зөвшөөрөгүй. Удаан гуйсны эцэст өчигдөр 10 минут орчим хүүтэйгээ утсаар ярьсан. Жэйси надад хар тамхи болон сэтгэцэд нөлөөлөх эм, тариа хэрэглээгүй гэдгээ учирласан. Би хүүдээ итгэж байна. Олон нийтийг хоёр хувааж буй энэхүү мэдээллээс болж хүүгийнхээ өмнөөс уучлалт гуйя. Хүү минь ямар ч буруугүй. Энэ хэргийн үнэн учир олдох болтугай” гэж хэлжээ.

6

Энэхүү хэргийн талаар нийтэд мэдээллэхийг хориглосон гэж Бээжингийн цагдаагийн газраас мэдэгджээ. Тайваний талаас иргэн Кай Ког хүлээн авах асуудлаар Бээжингийн удирдлагуудтай ярилцсан ч үр дүнд хүрээгүй байна. Кай Ко Тайваньд Жэки Чанаас илүү алдартай уран бүтээлч аж.

6

Б.Дэлгэрцэцэг