Манай залуус “Дува Сохор” нэртэй капсул хөөргөжээ
Манай улсын хэсэг залуус “Дува Сохор” хэмээх нэртэй капсул сансарт хөөргөж, Монгол улсынхаа төрийн далбааг 35 мянган метрийн өндөрт мандуулжээ. Тэд байршил тогтоогч систем, смартфон, сенсорууд, камер, шүхэр зэргийг бүтээн хэт өндрийн бvcэд сансарын капсулыг АНУ-н Миннесотта мужаас амжилттай хөөргөн, хүлээн авсан байна. Монголчууд санаа нийлээд хийвэл, санаснаа бүтээх чадвартай гэдгийг харуулах зорилго тавьсан тэд амжилттай биелүүлсэн байна.
р
Тус багийн бүрэлдэхүүнд дизайнер н.Найдандаваа, шүхэрч электроникч н.Баяраа, эдийн засагч н.Төмөрөө, уул уурхайн инженер н.Гантулга, физикч н.Чингис, нисгэгч н.Машбат нар ажилласан гэнэ. Багийн гишүүн физикч н.Чингис “Капсул маань хэт өндөрт -80 хэм хүрэхэд хөлдөж зураг авалтанд алдаа гарсан. Гэхдээ 800 гаруй зургийг амжилттай дарсан. Удахгүй нислэгийн тухай видео оруулж илүү дэлгэрэнгүй мэдээллийг хүргэнэ” гээд өөрийн фэйсбүүк хуудаснаа зургуудаас оруулсан байна.
а
Chingis Gantuya facebook хаяглуу орж зураг болон дэлгэрэнгүй мэдээллийг үзнэ үү.
а
Б.Бэхи
СЭТГЭГДЭЛ БИЧИХ