Монгол Улсын Засгийн газрын 2013 оны 11 дүгээр сарын 30-ны өдрийн 397 дугаар тогтоол, Төрийн өмчийн хорооны 2014 оны ... дүгээр тогтоолоор Төрийн өмчийн үндсэн хөрөнгөнд бүртгэлтэй хөрөнгөнүүдийг эзэнтэй болгох шийдвэр гаргасан билээ. Дээрх тогтоолуудын хүрээнд Шинэчлэлийн Засгийн газраас ашиглагдахгүй байгаа 10-20 жил болсон хөдлөх болон үл хөдлөх хөрөнгийг эзэнтэй болгохоор Төрийн өмчит үндсэн бүртгэлтэй хөрөнгийг дуудлагын худалдаагаар худалдах шийдвэрийг гаргаж, долоо хоног тутам дуудлагын худалдааг зохион байгуулж байгаа юм байна.

йы

Энэ талаар ТӨХ-ны хэвлэлийн төлөөлөгч С.Батгүрээс тодруулахад “Иргэний нисэхийн ерөнхий газрын харьяа Өмнөговь аймгийн “Гурван сайхан” олон улсын нисэх буудлын ашиглахдахгүй байсан Нисэх буудлын радио төвийн барилга, Агуулахын барилга, Инженерийн байгууламж зэргийг нээлттэй дуудлагын худалдаагаар 47 сая орчим төгрөгөөр  худалдааллаа. Эдгээр хөрөнгөнүүд нь анх 1989 онд ашиглалтанд орсон, 1997 оноос хойш өнөө хүртэл 17 жилийн турш зориулалтаар нь огт ашиглаагүй. Энэ мэт  зогсонги, үхмэл байсан хөрөнгөнүүд эдийн засгийн эргэлтэнд орсноор удахгүй эхнээсээ үр өгөөжээ өгөх учиртай юм. Цаашлаад ойрын өдрүүдэд ТӨХ-ны зүгээс мөн Иргэний нисэхийн ерөнхий  газрын харьяа ашиглагдахгүй байгаа Увс аймгийн  хуучин нисэх буудлын хөрөнгө, Булган аймгийн нисэх буудлын хөрөнгөнүүдийг нээлттэй дуудлагын худалдаагаар худалдаалахаар бэлтгэж байна” гэлээ.

ы

П.Наран