Австралийн супер модель Миранда Керр найз залуутай болсон гэдгээ хүлээн зөвшөөрсөн тухай “www.hollyscoop.com” мэдээллээ. Өнгөрсөн жил жүжигчин Орландо Блумээс салсан тэрбээр тэрбумтан Жэймс Пакертай үерхэж байгаа гэнэ. Тэд өнгөрсөн тавдугаар сараас эхлэн болзож,  хэдхэн хоногийн өмнөөс албан ёсоор үерхэж эхэлсэн хэмээн Мирандагийн найз хэлжээ. Хосууд өнгөрсөн амралтын өдөр Испани улсад амарсан бөгөөд өчигдөр Нью Йорк хотноо буцаж ирсэн гэв. Модель бүсгүй 31 настай бол Пакер 47 настай аж. Австралийн хэвлэлүүдийн мэдээлж буйгаар“Жэймс Пакер Мирандатай дотно харилцаатай болсоныхоо дараа эхнэр болон хүү, охиноосоо тусдаа амьдрах болсон. Саяхан салах өргөдөлд гарын үсгээ зурсан” гэжээ. Пакер Австралийн толгой баячуудын нэг бөгөөд өнгөрсөн жил “Forbes”сэтгүүл түүний хөрөнгийг 6.5 тэрбум хэмээсэн юм.

5

Б.Дэлгэрцэцэг