Францын Монако хотноо өнгөрсөн шөнө 2014-2015 оны улирлын Аваргуудын лигийн хэсгийн шатны сугалааг тодруулах үйл ажиллагаа болж өндөрлөсөн тухай ВВС агентлаг мэдээллээ. Энэ үеэр өнгөрсөн улирлын Европын шилдэг тамирчныг тодруулсан юм. Ингээд өнгөрсөн улирлын буурал тивийн шилдэг тамирчнаар Реал Мадрид клубын Португал тоглогч Криштиан  Роналду тодорлоо. Түүний хувьд энэ шагналыг анх удаа хүртэж байгаа юм.

1

Тэрбээр шагнал авсныхаа дараа “Миний цуглуулгад дутагдаж буй ганц цом энэ байсан. Би мэргэжлийн хөлбөмбөгчин болоод нэлээдгүй хугацаа өнгөрлөө. Энэ хугацаанд авч болох бүх шагналыг авсандаа маш их баяртай. Миний чадвар болон урам зоригийг минь үнэлсэн та бүхэнд баярлалаа” хэмээн хэлжээ.

1

Б.Дэлгэрцэцэг