Хойд Солонгосын удирдагч Ким Чен Ун тус улсын хуулийг зөрчиж, баригдсан АНУ-ын ямар ч иргэнийг суллахгүй гэдгээ мэдэгдсэн тухай “www.dailymail.co.uk” мэдээллээ. Тус улсад АНУ-ын таван иргэн тагнуул хийсэн, улсын нууцын зэрэгтэй материал хулгайлсан хэрэгт буруутгагдаж баригдаад буй юм. АНУ-ын Засгийн газар Өмнөд Солонгосын удирдлагуудад хандаж Хойдод баригдсан иргэдээ суллахыг хүссэн ч Ким Чен Унаас татгалзсан хариу авчээ.

1

Ким Чен Ун “KCNA” агентлагт өгсөн мэдэгдлийнхээ үеэр “Хойд Солонгосын үндсэн хуулийг зөрчсөн аль ч улсын иргэнд шийтгэл ноогдуулах болно. Мөн эх газрыг минь удаа дараа гутаан доромжилж, нэр хүндэд минь зөвшөөрөлгүй халддаг АНУ-ын Засгийн газар болон иргэдэд хэзээ ч уучлалт үзүүлэхгүй” гэжээ.

1

Энэ онд Пхеньянд АНУ-ын гурван иргэн баригдаж, Солонгос гаралтай, АНУ-ын иргэн Кеннет Бэе 15 жилийн хорих ял авсан юм. Мөн энэ долоо хоногийн эхээр 24 настай Маттью Миллер зургаан жилийн хорих ялаар шийтгүүлсэн бол өнгөрсөн тавдугаар сард Жеффри Фоулиг тагнуул хийсэн хэрэгт буруутгаж, 25 жилийн ялаар тус тус шийтгүүлсэн билээ. Мөн энэ сарын 22-нд АНУ-ын иргэн Жастин Хонн гэгчийн шүүх хурал болох гэнэ.

АНУ-ын Төрийн нарийн бичгийн дарга Жон Керри баригдсан иргэдийнхээ асуудлаар хойд Солонгосын удирдлагуудтай уулзах хүсэлт гаргасан гэж Цагаан ордноос мэдээлэв.

1

Б.Дэлгэрцэцэг