Шинжаан-Уйгурын нийслэл Урумчи хотод халдлага гарсны улмаас 50 хүн амиа алдсан тухай “Синьхуа” агентлаг мэдээллээ. Энэхүү халдлагыг Бээжингийн удирдлагууд “Террорист халдлага” хэмээсэн байна. Тус халдлага өнгөрсөн ням гаригт гарсан ч Си Зиньпин нийтэд зарлахыг хориглосон гэж “AFP” агентлаг мэдээлэв. Комминуст намын хэвлэлийн албанаас мэдээлсэнээр “Си дарга хэргийн гол буруутанг олох хүртэл энэхүү халдлагыг нийтэд зарлахаас татгалзсан. Энэхүү халдлагатай холбоотой хэд хэдэн хүнийг баривчилсан учир “Синьхуа”, “Chinadaily” агентлагт нийтлэх эрх олгосон” гэжээ.

.

Халдлага ням гаригийн 17.00 цагийн үед гарсан бөгөөд амиа золиослогч гурван этгээд хүнсний дэлгүүрт халдлага үйлджээ. Энэхүү халдлагын үеэр 30 гаруй хүн амиа алджээ. Мөн дээрх халдлагаас цагийн дараа Урумчи хотын төвд байрлах цагдаагийн хэлтсийн үүдэнд дэлбэрэлт болж  21 хүн амиа алдсан байна. Хятадын цагдаа нар 40 гаруй Уйгар үндэстэнг халдлага зохион байгуулсан хэмээн буруутгаж, баривчилсан гэв. Халдлагын дараа Урамчи хотын төвд 800 гаруй хятад цагдаа хамгаалтад гарчээ.

.

Б.Дэлгэрцэцэг