Британийн Ерөнхий сайд Дэвид Камерон эхнэр Саманта Камерон хоёр өчигдөр хатан хаан II Элизабетийн урилгаар Букингемийн ордонд нээгдсэн XVIII зууны үеийн сонгодог уран зургийн үзэсгэлэнг үзэж сонирхсон юм. Энэ үеэр Камерон олны дургүйцлийн хүргэсэн үг хэлжээ. Тэрбээр “Хэт даврагчдаас болж толгой өвдөөд байсан юм. Хатан хаанд баярлалаа. Яаж явахаараа Британийн хэсэг иргэд хэт даврагчдад барьцаалагддаг байна. Тэднийг Британийн иргэд гэхэд учир дутагдалтай” гэж хэлжээ.

.

Твиттерт Ерөнхий сайдаа шүүмжилсэн олон мянган болжморууд түүнийг огцрохыг шаардаж “Амаа мэддэггүй Ерөнхий сайд Британид хэрэггүй”, “Яагаад барьцаанд байгаа иргэдээ гадуурхаад байгаа юм”, “Хэрвээ тэднийг барьцаалаагүй байсан бол Камероны жинхэнэ төрхийг мэдэхгүй байлаа”, “Барьцаалагдсан иргэдээ суллаад суудлаа хүлээлгэж өг”, Хатан хаанаа энэ эрхийгээ шийтгээч” гэх зэргээр шүүмжилж, жиргэжээ.

.

Харин Ерөнхий сайдын хэвлэлийн төлөөлөгч Лорд Смитт “www.dailymail.co.uk” сайтад ярихдаа “Дэвид Камерон Иракийн хэт даврагчдад барьцаалагдсан Британийн иргэдийн төлөө маш их санаа зовж байгаа. Тэрбээр хэлсэн үгнийхээ төлөө барьцаанд байгаа хүмүүсийн гэр бүлээс уучлалт гуйсан” гэв.

.

“Халифын вант улс” бүлэглэлийн тэргүүн Абу Бакр-аль Багдади амиа алдсан хоёр иргэнээс гадна Британийн долоон иргэн барьцаанд нь байгаа гэжээ.

.

Б.Дэлгэрцэцэг