Хонконгийн оюутнууд захирагч Лиунг Чун Инийг огцрохыг шаардаж, эсэргүүцлийн жагсаал зохион байгуулжээ. Оюутнууд түүнийг Бээжингийн талд үйлчилж байна хэмээн буруутгасан тухай “www.dailymail.co.uk” мэдээллээ.

1

Хэдэн мянган оюутан Хонконгийн Засгийн газрын байрны гадна суулт зарлаж, “Лиунг Чун Ин бол Хонконгийн Адольф Гитлер” гэх лоозон барьцгаажээ. Дээрх үйл явдлын дараа Лиунг Чун Ин “Sky news” телевизээр дамжуулан мэдэгдэл хийж, огцрохгүй гэдгээ хэлсэн байна. Тэрбээр “Би огцрохгүй. Оюутнуудын шаардлага хууль бус. Энэхүү шаардлагыг хүлээн авах боломжгүй ч гэлээ оюутнуудтай хэлэлцээр хийхэд бэлэн” гэсэн байна.

Жагсаалыг удирдаж буй тэргүүн хэлэлцээр хийх захирагчийн саналыг хүлээн авсан ч Лиунгийг огцруулах тэмцлээ зогсоохгүй гэдгээ илэрхийлсэн аж.

1

Б.Дэлгэрцэцэг