Афганистаны салан тусгаарлах үзэлтэй “Талибан” бүлэглэлийн тэргүүн Мухамид Ома Иракийн хэт даврагч “Халифын вант улс” бүлэглэлийн тэргүүн Бакар аль-Багдадид видео бичлэг илгээсэн тухай “www.dailymail.co.uk” мэдээллээ. Уг бичлэгт Мухамид Ома “Ирак болон Сири зүүн хэсэгт хяналтаа тогтоож, “Халифын вант улс”-ын далбааг мандуулсанд баяр хүргье. Та бүхний явуулж буй тусгай ажиллагааг дэмжиж буйгаа мэдэгдэж, хамтран ажиллах хүсэлтэй байна. Бид хамтарсан хүчээр Ойрхи дорнод гэлтгүй дэлхийг эзлэх бүрэн боломжтой. Хамгийн гол нь итгэл. Хэрвээ энэхүү саналыг минь хүлээн авбал “Талибан” бүлэглэлийн дайчид Иракт нэвтрэх бодолтой байна” гэж хэлжээ.

Ома төгсгөлд нь “Обама болон АНУ эсэн мэнд үлдэхийг хүсч буй бол бидэнд саад учруулах хэрэггүй” гэсэн байна.

Пентагоны тэргүүн Чак Хейгл “Афганистаны “Талибан” бүлэглэл “Халифын вант улс” бүлэглэлтэй хамтарч эхэлбэл Ирак гэх улс газрын хөрснөөс арчигдах болно” гэж сэрэмжлүүлжээ.

Б.Дэлгэрцэцэг