Засгийн газрын “Шинэ бүтээн байгуулалт” дунд хугацааны зорилтот хөтөлбөрийн хүрээнд барьсан “Буянт-Ухаа 1” хорооллын орон сууцнуудад “Юнител.ком” компани хяналтын камер суурилуулжээ. Камерын систем нь бүрэн ашиглалтад орсон бөгөөд тус хорооллын гадна талбай болон гарааш, орц тус бүрт байрлуулсан гэнэ.

a

Нэг блокт нийтдээ 34 ширхэг камер байрлуулсны 14-ийг нь байруудын орцон дотор хаалгаар орж, гарч буй хүмүүс рүү болон цахилгаан шат руу чиглэсэн хөдөлгөөнийг хянахаар суурилуулсан. Бусдыг нь гарааш тус бүрийн хаалганы хоёр талаас болон гадна талбай, дотор талыг бүрэн хянах хэмжээнд суурилуулсан гэнэ. Хяналтын нэгдсэн дэлгэц, самбар нь хорооллын төв контор болох “Опен хаус өнө” компанийн байрны нэгдүгээр давхарт байрлуулжээ.

a

Цаашид блок тус бүрт харуул ажиллуулж, харуулын байр тус бүрт хяналтын дэлгэц суурилуулах аж. Хөдөлгөөн мэдэрч бичих горим дээр тавьсан бөгөөд 24 цагийн туршид ажиллаж 2-3 сарын бичлэгийг хадгалах боломжтой. Иргэд хүссэн үедээ камерын бичлэгийг шүүн үзэж, шаардлагатай хэсгийг CD, flash ззэрэгт хуулан авах боломжтой бөгөөд камерууд нь Full HD форматтай, 1.3 мегафикселийн хүчин чадалтай 2.6-12 мм-ийн тусгалтай ажээ.

a

П.Наран