Австрали улсын иргэн 17 настай Абдуллах Илмер гэгч Иракийн хэт даврагч “Халифын вант улс” бүлэглэлд дайчнаар элссэн тухайгаа мэдэгдлээ. Тэрбээр өчигдөр Засгийн газартаа видео бичлэг ирүүлсэн гэж “www.dailymail.co.uk” мэдээллээ. Видео бичлэгт тэрбээр Австралийн Ерөнхий сайд Тони Эбботыг буруутгаж, Иракт явуулж буй цэргийн ажиллагаагаа цуцлахгүй бол нутаг нэгтнээ алах болно гэж сүрдүүлжээ.

Абдуллах Илмер видео мэдэгдэлдээ “Тун удахгүй АНУ-ын Цагаан ордон, Их Британийн хатан хааны Букингемийн ордны дээр “Халифын вант улс”-ын далбааг мандуулах болно. Бид энэ дэлхийг захирах болно” гэсэн байна.

1

Австралийн талаас мэдэгдэхээ “Абдуллах Илмер Седней  хотноо төрсөн. Хүүгийн ээж болон эгч, дүүг нь мөрдөгчид шалгаж байгаа. Тэрбээр хэзээ Иракт очиж, хэт даврагч болсон нь нууц хэвээр байна. Гэр бүлийнх нь хүртэл мэдээлэл муутай байгаа” гэжээ. Тус улсын Ерөнхий сайд өнгөрсөн сарын 25-нд АНУ-ын Ерөнхийлөгч Барак Обаматай хамтран ажиллах гэрээ байгуулж, Иракт агаараас цохилт өгч эхэлсэн юм.

1

Б.Дэлгэрцэцэг