Монгол Улсын нийслэлийг “Google maps” буюу Гүүглийн газрын зургаас тольдох боломж бүрдэж байна. Чингис хааны нэрэмжит төв талбайд өнөөдөр "Ухаалаг Улаанбаатар” хөтөлбөрийн хүрээнд дэлхийн мэдээллийн технологийн тэргүүлэгч Google компанитай хамтран Улаанбаатарын зураглалыг “Google Street View” –д оруулж эхэлснийг нийтэд мэдээлэх үйл ажиллагаа боллоо.

б

Энэхүү үйл ажиллагааны нээлтэд УИХ-ын дарга З.Энхболд, Улаанбаатар хотын захирагч Э.Бат-Үүл, Google компанийн Ази Номхон далай, Ойрхи дорнод, Африк, Орос дахь Засгийн газрын асуудал хариуцсан олон нийтийн бодлогын Ерөнхий захирал Сюзан Пойнтер болон бусад албан хүмүүс оролцов.

б

Манайх “Google Street View”-д нэгдэж буй 61 дэх улс бөгөөд Азийн анхны орон болж буй нь онцлог юм. “Google” компанийн ажилтнууд өнгөрөгч зургаадугаар сараас Улаанбаатар хотыг “Google Street View”-д оруулах ажлаа эхлүүлэн, манай улсад зочлон зураг авсан байна. Одоогийн байдлаар Чингис хааны нэрэмжит төв талбай, хотоос холгүй орших Чингис хааны морь хөшөө, XIII зуун түүх соёлын цогцолбор  “Google maps”-д орсныг үйл ажиллагааны үеэр сонирхууллаа. Нийслэлийн Засаг дарга Э.Бат-Үүл “ Улаанбаатар хот төв Азийн хамгийн өрсөлдөх чадвартай хот болох нэг ажил өнөөдөр эхэлж байна гэдгийг та бүхэнд хэлэхдээ баяртай байна. Дэлхийг эзлээд байгаа Google-тэй хамтраад нийслэлээ хамгийн өрсөлдөх чадвартай, интернэтийн орчин бүрдсэн хот болгох үйл ажиллагаа эхэлж байна. Энэ хөтөлбөр хэрэгжсэнээр Улаанбаатарт гэр орноо орхиод гадагшаа явсан хүн, интернэт орж, “Google maps”-т хандаад өөрийн байшин саваа харчих боломжтой болно. Манай таксины жолоо нар ямар гудамжид яаж очихоо төвөггүй олно. Нийслэлд маань ирсэн жуулчид хаашаа явах, хаагуур аялахаа төвөггүй мэдэж чадах юм” гэх хэлэв.

ө

“Google Street View” нь “Google mаps”-ын түгээмэл үзэгдэл бөгөөд хэрэглэгчдэд гудамжны түвшний панорам зургаар дамжуулан орчноо бодитойгоор залуурдаж судлах боломж олгодог юм. “Street View”-ийн хэрэглэгч нь газрын зургийн зүүн гар талд байрдах улбар шар өнгийн тэмдгийг чирч, хөх өнгөөр онцолсон гудамж дээр эсвэл Google mаps дээрх хамгийн орйн нарийвчилсан түвшин рүү татах замаар гудамжны түвшний зураглал руу хандаж болох аж.

а

Үйл ажиллагааны үеэр Google компанийн Ази Номхон далай, Ойрхи дорнод, Африк, Орос дахь Засгийн газрын асуудал хариуцсан олон нийтийн бодлогын Ерөнхий захирал Сюзан Пойнтер, Улаанбаатар хотын захирагч Э.Бат-Үүлд “Google maps”ын тугийг гардуулан өгсөн ба өнөөдрөөс эхлэн нийслэлийн гудамжаар зорчиж, зураг авах машиныг хүлээлгэн өгсөн юм.

ө

а

Б.Бэхи