АНУ-ын Тагнуулын газрын дарга Клаппер хэлэхдээ “Иракт эрхээ тогтоохыг санаархаж буй “Халифын вант улс” бүлэглэл сарын хугацаанд 500 дайчнаа алдсан” гэж хэлжээ. Америкийн тусгай хүчин нэг сарын хугацаанд хэт даврагчдын байршиж буй газарт агаараас цохилт өгч, нийтдээ 464 хэт даврагчийг устгасан бол өчигдөр Туркийн хил орчимд 36 хэт даврагчийг устгасан байна. Энэхүү мэдээллийг Британийн Батлан хамгаалах яам баталж, Америк сарын хугацаанд “Халифын улс”-ын 11 гол хуаранг устгасан гэжээ.

6

Туркийн тагнуулын албанаас “Халифын вант улс” бүлэглэл хэмээн өөрсдийгөө нэрлэсэн суннитын зэвсэгт бүлэглэл Иракийн хойд хэсэг, Сирийн гурван хотод хяналтаа тогтоосон. Өчигдөр Сирийн Кобане хотын ойролцоох 60 орчим сууринг хяналтандаа авч, сирийн 25 иргэнийг цаазалсан гэв. Туркийн Ерөнхийлөгч Режел Тайип Эрдоган Америкийн засаг захиргаа Кобане хотыг хэт даврагчдаас хамгаалж буй курдуудад зэвсэг нийлүүлэхээ зогсоохгүй бол хил орчимд нь байршаад буй сири иргэдэд хүч хэрэглэхээ мэдэгджээ.

6

Б.Дэлгэрцэцэг