Канадын парламентын ордонд халдлага үйлдэхийг завдсан Майкл Зихаф-Бибо амиа алдахаасаа таван цагийн өмнө твиттертээ “Би Ерөнхий сайдыг ална” хэмээн жиргэсэн байжээ. Түүнийг парламентын ордонд нэвтрэх үед Канадын Ерөнхий сайд Стивен Харпер хуралдаанд оролцож байсан юм. Шинжээчид энэхүү халдлагыг урьдчилан бэлдсэн байж болзошгүй хэмээжээ.

а

Цагдаагийнхан гэмт этгээдийн твиттерээс Ерөнхий сайдын тухай бичсэн хэд хэдэн жиргээг нийтэд ил болгосон байна. Энэхүү жиргээнүүдийн ихэнх нь Ерөнхий сайд Стивен Харперийн нэр хүндэд халдсан эсвэл гутаан доромжилсон өнгө аястай байжээ.

а

Оттава хотын дарга Жим Уатсон “Парламентын ордонд болсон үйл явц бидний айдаст автууллаа. Энэ халдлага бидэнд сэрэмжтэй байхыг давхар санууллаа. Цагдаагийнхан гэмт этгээдийг хамсаатантай байж болзошгүй хэмээн хардаж буй. Тиймээс хотын иргэд, жуулчид дор бүрнээ сэрэмжтэй байхыг хүсье” гэж хэлжээ.

а

Хотын дарга “Би Ерөнхий сайдыг ална” гэх сөрөг жиргээ олон нийтийн сүлжээнд нийтлэгдээд байхад цагдаагийнхан хяналт тавихгүй, хайхарамжгүй хандсан хэмээн буруутгасан байна.

а

Б.Дэлгэрцэцэг