Иракийн хэт даврагч “Халифын вант улс” бүлэглэл өчигдөр 17.00 цагийн үед Туркийн хил орчимд байршаад буй Сириэс ирсэн дүрвэгсдийн хуаранд бөмбөг дэлбэлсэн тухай “www.dailymail.co.uk” мэдээллээ. Халдлагын үеэр 11 настай охин амиа алдаж, 19 хүн гэмтжээ.

1

Хэт даврагчид дээрх халдлагаас хоёр цагийн дараа нийслэл Истанбул хотын төвд бөмбөг дэлбэлэхийг завдсан аж. Энэ үеэр цагдаагийнхан тэднийг аюулгүй болгожээ. Гэрчүүдийн мэдээлсэнээр “Халдлага үйлдэхийг завдсан этгээдүүд бүгд “Халифын улс”-ын далбааг барьж,  хар өнгийн цамц өмссөн байсан” гэжээ.

а

Туркийн Ерөнхийлөгч Режел Тайип Эрдоган дээрх халдлагын дараа нийслэл хотод хөл хорио тогтоож, орон даяар хэт даврагчдыг хайх ажиллагааг эхлүүлсэн аж. Тэрбээр “Иракийн хэт даврагчид Сириэс гадна Туркт хяналтаа тогтоохыг санаархаж байна. Би тэдэнд боломж олгохгүй. Эхний ээлжинд Туркт байгаа хэт даврагчдыг устгах болно” гэж хэлжээ.

о

Б.Дэлгэрцэцэг